Ad Banner
Ad Banner
Ad Banner
Ad Banner

Për një javë shqiptohen mbi një mijë gjoba kundërvajtëse në Ferizaj, u largohet e drejta e vozitjes 25 shoferëve

14:38 | 8 Maj 2023
E.H

Policia Rajonale e Ferizajt njofton se brenda një jave ka shqiptuar 1296 gjoba kundërvajtëse, ndërsa ka hequr edhe 25 patentë shoferë për drejtuesit që kanë shkaktuar kundërvajtje të rëndë në komunikacion.

Siç thuhet në njoftim, nga data 1 deri më 7 maj 2023 janë raportuar 34 aksidente, prej tyre: 16 aksidente me lëndime, 23 persona të lënduar dhe 18 aksidente me dëme materiale.

Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelon tek shoferët që të bëjnë kujdes në komunikacionin rrugor.

“Ndërsa, ftojmë qytetarët që të bashkëpunojnë më policinë. Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.”, thuhet në njoftim./Arbresh.info/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm